काठमाडौं । इन्डियन प्रिमियर लिग (आईपीएल)मा सनराईजर्स हैदराबादले लगातार दोस्रो जित हात पारेको छ।

चौथो खेलमा लगातार दोस्रो जित हात पार्ने क्रममा शुक्रबार राती इडन गार्डेनमा भएको खेलमा हैदराबादले कोलकत्ता नाइट राईडर्सलाई २३ रनले पराजित गरेको हो ।

हैदराबादले दिएको २ सय २९ रनको लक्ष्य पछ्याएको कोलकत्ताले २० ओभरमा ७ विकेट गुमाउँदै २ सय ५ रन बनायो। चौथो खेलमा दोस्रो हार व्यहोरेको कोलकत्ता ४ अंकका साथ चौंथो स्थानमा रहेको छ ।