काठमाडौं । सेयर कारोबार हुने साताको अन्तिम दिन बिहीबार(आज) सेयर बजार परिसूचक नेप्से दोहोरो अंकले वृद्धि भएर बन्द भएको छ ।

आर्थिक वर्ष २०८०÷८१ को बजेट वक्तव्य सार्वजनिक भएको दुई दिनमा नै ९१.९८ अंकको गिरावट आएको नेप्से आज भने उतारचढावबीच दोहोरो अंकले बढेर बन्द भएको हो । आज बजार परिसूचक नेप्से १६.५४ अंकले वृद्धि हुँदा १८६६.३४ अंकको बिन्दुमा बन्द भएको छ ।

आज सबै उपसूचकमा वृद्धि हुँदा नेप्से पनि बढेको हो । निर्जीवन बीमा उपसूचक सर्वाधिक १.९३ प्रतिशतले वृद्धि हुँदा होटेल तथा पर्यटन उपसूचक १.४९ प्रतिशतले वृद्धि भएको छ ।

नेप्सेमा वृद्धि भएपनि कारोबार रकम भने घटेको छ ।