काठमाडौं। आजदेखि काठमाडौं–बेइजिङ सोझो हवाई उडान सुरु भएको छ ।आज बिहान काठमाडौंबाट प्रस्थान गरेको हिमालय एअरलाइन्सको विमान बेइजिङ पुगेको छ। उडान नम्बर एच नाइन ६६५ विमान त्रिभुवन अन्तर्राष्ट्रिय विमानस्थलबाट बिहान ७ बजेर ४० मीनेटमा प्रस्थान गरेको थियोे ।

उक्त विमान बेइजिङस्थित तासिङ अन्तर्राष्ट्रिय विमानस्थलमा स्थानीय समयानुसार दिउँसो २ बजेर १५ मीनेटमा अवतरण भएको हो। चार घण्टा ४५ मीनेटमा बेइजिङ पुगेको विमान स्थानीय समयअनुसार दिउँसोे ३ बजेर २५ मीनेटमा काठमाडौं प्रस्थान गरेको छ ।

विमान काठमाडौंमा साँझ ६ बजेर ३० मीनेटमा अवतरण हुनेछ। आजदेखि काठमाडौं र बेइजिङबीच नियमित उडान सञ्चालन भएको हिमालय एअरले जनाएको छ।