नारायणी नदीमा आएको बाढीले किनारमा रहेको बुद्धको मूर्तिको आधा भाग डुबेको छ । नदीले चेतावनीको तह पार गरेकाले नदी तटीय क्षेत्रमा बसोबास गर्नेलाई उच्च सतर्कता अपनाउन चितवन प्रशासनले अनुरोध गरेको छ । तस्बिरः कृष्ण आचार्य /रासस

चौतीस वटा ढोका खोलिएको अवस्था
मलङ्गवा (सर्लाही), १२ असोजः सर्लाहीको बागमती नगरपालिका–११ कर्मैया स्थित बागमती नदीमा रहेको ड्यामनको ३६ मध्ये खोलिएको ३४ वटा ढोका । प्राविविक समस्याले दुई वटा ढोका आँमसिक रुपमा मात्र खुलेको छ । तस्बिरः विश्वनाथ ठाकुर÷रासस

दाङको तुलसीपुरबाट सल्यान हुँदै रुकुम जोड्ने सडक राप्ती लोकमार्ग अन्तर्गत तुलसीपुर उपमहानगरपालिका-३ स्थित राम्रीमा अविरल बर्षातका कारण भासिएको सडक । तस्बिर : कुलदीप न्यौपाने / रासस

लगातारको बर्षासँगै नारायणी नदीमा आएको बाढी नवलपुरको गैडाकोट नगरपालिका २ मा रहेको बस्तीमा पसेपछि घरमा पालिएको कुकुरलाई सुरक्षित स्थानमा लैजाँदै स्थानीय । यहाँका दुई सय बढी घर डुबानमा परेका छन । तस्बिरः कृष्ण आचार्य / रासस

मनोहराखोलमा आएको बाढीले शनिबार डुबानमा परेको कोटेश्वर, बालकुमारी पुल क्षेत्र । तस्बिर : किरणराज बिष्ट / रासस

पृथ्वीराजमार्ग अन्तर्गत तनहुँको व्यास नगरपालिका–१२ घाँसीकुवामा शनिबार बिहान खसेको पहिरो । पहिरोका कारण दमौली डुम्रे सडकखण्ड अवरुद्ध छ । तस्बिर ः कृष्ण न्यौपाने / रासस

गोरुसिंगे-सन्धिखर्क सडक अन्तर्गत शितगङ्गा नगरपालिकाको ठाडामा पहिरोले अवरुद्ध भएको सडक । तस्बिरः प्रेमनारायण आचार्य / रासस

मलेखु (धादिङ), १२ असोजः लगातार वर्षाका कारण त्रिशुली नदीमा बढेको पानीको बहावले कटान सुरु गरेको घरहरु । घरका जगहरु नदीको पानीले बगाएपछि नदी किनारका घर डुबानमा परेको छ । तस्बिर ः शंकर श्रेष्ठ÷रासस

बागमतीको नदी जल सतहको अवस्था
मलङ्गवा (सर्लाही), १२ असोजः अविरल वर्षाका कारण सर्लाही कर्मैयास्थित बागमती नदीमा रहेको ड्यामनिरको जल सतहका ढद्दै । तस्बिरः विश्वनाथ ठाकुर÷रासस

कालीगण्डकीमा पानीको बहाव बढ्दै
गुल्मी, १२ असोजः अविरल वर्षाका कारण गुल्मीको कालीगण्डकी नदीमा पानीको बहाव बढ्दै। पानीको बहाव बढ्दै गएपछि रिडीक्षेत्रमा नदी किनारका बस्तीहरू उच्च जोखिममा रहेका छन्। तस्बिरः जनार्दन घिमिरे÷रासस

भक्तपुर, १२ असोजः दुई दिनदेखि अविरल वर्षाका कारण हनुमन्ते खोलाको बाढी परेर भक्तपुरको भाटभटेनी सुपर मार्केटलगायत आसपास क्षेत्रमा जलमग्न । तस्बिरः किरणराज विष्ट÷रासस