कोरोना भाइरस संक्रमणबाट जोगिन भिडभाडमा जाँदा वा संक्रमितको छेउमा हुँदा सबै उमेर समूहकाले माक्स अनिवार्य लगाउनुपर्ने हुन्छ । बच्चाको हकमा पनि प्रायः यही नियम लागु हुन्छ । यद्यपि, पाँच वर्ष र सोभन्दा कम उमेरका बालबालिकाले मास्क लगाउन अनिवार्य नभएको युनिसेफले जनाएको छ । यो सल्लाह साना बालबालिकाको सुरक्षा र समग्र हितमा आधारित रहेको जनाइएको छ । ६ देखि ११ वर्षका बालबालिकाले निम्न अवस्थामा मास्क लगाउने :
– कोभिड–१९ समुदायमा व्यापक रूपमा फैलिएको अवस्था भएमा ।
– बालबालिकाले सुरक्षित रूपमा मास्क प्रयोग गर्न, धुन र प्रतिस्थापन गर्न सक्ने अवस्थामा ।
– बालबालिका हालसालै उच्च जोखिममा भएकाहरूको सम्पर्कमा पुगेको थाहा भएमा ।
– १२ वर्ष वा माथिका बालबालिकाले वयस्कले जसरी नै मास्क लगाउने ।
– अपाङ्गता भएका बालबालिकाको हकमा सक्षमता र हित हेरेर मात्र मास्क लगाउने ।
– दौडँदा, उफ्रँदा वा अरू खेलकुदमा सहभागी हुँदा मास्क नलगाउने ।
