काठमाडौं। पोखरामा आज भएको विमान दुर्घटनामा ६८ जनाको शव फेला परेको छ। बिहान भएको दुर्घटनामा खोजि तथा उद्दारमा संलग्नहरुले ६८ जनाको शव फेला पारेका हुन् ।

अझैं ४ जना यात्रुको अवस्‍था अज्ञात छ। दुर्घटनामा परेका यात्रुको शव गण्डकी अस्पतालमा ल्याइएको तथा अज्ञातहरुको खोजी र उद्दार कार्य जारी रहेको प्रहरीले जनाएको छ।

यती एयरलाइन्सको दुर्घटनाग्रस्त विमानमा चार चालकदलसहित ७२ जना सवार थिए। ६८ जना यात्रुमा ५३ जना नेपाली र १५ जना विदेशी नागरिक सवार थिए।पोखरा विमानस्थलमा अवतरण गर्न नपाउँदै विमान दुर्घटना भएको हो।