काठमाडौं । महानगरपालिकाका मेयर बालेन्द्र साहविरुद्ध प्रर्दशन भएको छ ।
मेयर साहले गैरकानुनी ढङ्गले महानगरपालिका भित्र डोजर आतङ्क फैल्याउने काम गरेको भन्दै उपत्यकाव्यापी सडक विस्तार पीडित संघर्ष समिति, काठमाडौँको आह्वानमा आज माइतीघर मण्डलामा विरोध प्रदर्शन गरिएको हो ।
प्रदर्शनका क्रममा उनीहरूले जनप्रतिनिधि भएर जनतालाई दुःख दिने काम नगर्न मेयर साहलाई चेतावनीसमेत दिएका छन ।
मेयर साहले नागरिकको सम्पत्तिको अधिकारमाथि समेत हनन हुनेगरी डोजर आतङ्क फैल्याउने काम गरेकाले त्यसो हुन नदिन खबरदारी गर्न आफूहरू प्रदर्शनमा आउनुपरेको प्रदर्शनका नेतृत्वकर्ता सुमन सायमीले बताउनुभयो ।
संविधानले व्यवस्था गरेको भूमिको अधिकार, व्यक्तिगत सम्पत्तिको अधिकार हनन गरेर मेयर साहले ज्यादति गरेको भन्दै प्रदर्शनकारीहरूले आक्रोश व्यक्त गरेका छन् ।
प्रतिक्रिया
सम्बन्धित खवर
