काठमाडौं । फागुन २९ गते (भोलि)का लागि बोलाइएको राष्ट्रिय सभा बैठक चैत ८ गते बस्नेगरी स्थगित भएको छ ।

राष्ट्रिय सभाका सचिव राजेन्द्र फुयाँलले आइतबार(आज) सूचना जारी गर्दै फागुन २९ गते दिउँसो १ बजेलाई निर्धारण गरिएको बैठक विशेष कारण चैत आठ गते बस्नेगरी निर्धारण गरिएको जनाउनुभएको छ।

राष्ट्रियसभा विनियमावली २०७५ को नियम ६ को उपनियम ३ बमोजिम अध्यक्षले कार्यव्यवस्था परामर्श समितिको परामर्शमा चैत ८ गते बुधबार दिउँसो १ बजे बस्नेगरी बैठक निर्धारण गरिएको छ।