सिड्नी। अष्ट्रेलियाले पनि टिकटकमाथि प्रतिबन्ध लगाएको छ। योसँगै सरकारी उपकरणमा टिकटकको प्रयोगमा प्रतिबन्ध लगाउने देशहरुमा अमेरिका, क्यानडा, बेलायत र न्यूजिल्याण्डपछि अष्ट्रेलिया पनि थपिएको छ।
महान्यायाधिवक्ता मार्क ड्रेफसले मंगलबार एक विज्ञप्तिमा गर्दै गुप्तचर र सुरक्षा एजेन्सीहरूको सल्लाहमा प्रतिबन्ध ‘जति सक्दो चाँडो’ लागू हुने जानकारी दिएका छन्।
गोपनियता र राष्ट्रिय सुरक्षाका लागि उक्त एप चुनौती बन्दै गएको भन्दै सरकारी उपकरणमा प्रयोग गर्न प्रतिबन्ध लगाएको बताइएको छ। अष्ट्रेलियाले प्रतिबन्ध लगाउनुभन्दा १५ दिन पहिला टिकटकले आफ्नो नीति नियम परिवर्तन गरेको थियो।
