काठमाडौं।सप्तरीमा एक युवकको घाँटी झिनाएर हत्या भएको छ। सप्तरीको हनुमाननगर कंकालिनी नगरपालिका–४, मधवापुरस्थित धान खेतमा २० वर्षीय युवकको धारिलो हतियारले घाँटी छिनाएको अवस्थामा शव फेला परेको हो ।

सप्तरी प्रहरीले जनाएअनुसार हत्या भएका युवकको पहिचान हुन सकेको छैन।अहिले शवलाई पोष्टमार्टमका लागि धरानस्थित विपि कोइराला स्वास्थ्य विज्ञान प्रतिष्ठान पठाइएको जिल्ला प्रहरी कार्यालय सप्तरीका डीएसपी नरेशकुमार सिंहले जानकारी दिनुभयो ।

घाँटी काटिएको युवकको शरीरमा चोटपटक र कोखामा समेत धारिलो हतियारले रोपिएको तथा भित्री कट्टु बाहेक अन्य कपडाहरू फरक स्थानमा फेला परेको छ ।

राति खेतमा बसेर रक्सी खाएर झगडा भएपछि हत्या भएको हुनसक्ने स्थानीयवासीको अनुमान छ।थप अनुसन्धान जारी रहेको प्रहरीले जनाएको छ।