मुगु। जिल्ला पूर्वाधार विकास कार्यालय मुगका निमित्त कार्यालय प्रमुख इन्जिनियर दत्त बुढथापा कार्यालयमै कुटिएका छन्। नेकपा एमालेका नेता एवम् कर्णाली प्रदेशसभाका तत्कालिन प्रदेशसभा सदस्य तथा विधायन समितिका सभापतिसमेत रहेका दानसिहं परियार र छायाँनाथ रारा नगरपालिका ६ का वडा अध्यक्ष खेम बहादुर रावलले पूर्वाधार कार्यालय मुगुका निमित्त कार्यालय प्रमुख इन्जिनियर बुढथापामाथि हातपात गरेका हुनन्।

चालु आर्थिक वर्ष २०७९/८० को प्रदेश सांसद विकास कोष मार्फत सञ्चालित खर्कदारदेखि रिगामाडु र माथि बालै हुँदै माथतल्लासम्मका दुई योजनाको लागत स्टेमेटअनुसारको काम नभएको र रकम भुक्तानी पूरा दिन दबाब दिँदा आफूले अस्वीकार गरेपछि कार्यालयभित्र हातपात गरेको र कार्यालय तोडफोेड गरेको प्रमुख बुढथापाको भनाइ छ।

४० लाखको योजनाको १० लाख बराबरको काम भएको र ५० लाखको योजनाको ३० लाख बराबरको काम भएको जनाइएको छ। त्यसैअनुरुप भुक्तानी लिन आग्रह गर्दा उनीहरुले हातपात गरेको उनले बताए। मुगुमा काम गर्न असहज भएको पनि बुढथापाले बताए। प्राविधिकहरुलाई पनि ज्यानमार्ने धम्कीले कर्मचारी त्रासमा छन्। यसैबीच, हातपातपछि पूर्वसासंद परियार र वडा अध्यक्ष रावललाई प्रहरीले शनिबार नै नियन्त्रण लिएको जिल्ला प्रहरी कार्यालय मुगुले जनाएको छ।