काठमाडौं। काठमाडौं महानगरपालिका–१६ का वडाध्यक्ष मुकुन्द रिजालको निधन भएको छ। डेंगु संक्रमित भएर ग्राण्डी अस्पतालमा उपचार गराइरहेका रिजालको आज बिहान निधन भएको हो।

रिजाल नेपाली कांग्रेस काठमाडौं क्षेत्र नम्बर-७ का सभापति समेत हुन्। उनी यसअघि पनि काठमाडौं महानगरपालिका–७ बाट वडाध्यक्ष निर्वाचित भएका थिए। महानगरपालिकाले राष्ट्रिय सभागृहमा बिहान ११ बजे रिजालप्रति श्रद्धाञ्जली अर्पण कार्यक्रम राखेको छ।