काठमाडौं । राष्ट्रपति रामचन्द्र पौडेलले इण्डियन आइडलको उत्कृष्ट १० मा पर्न सफल नेपाली गायिका मेनुका पौडेललाई बधाई दिएका छन् ।
आज सोमबार शीतल निवासमा राष्ट्रपति पौडेलले मेनुकालाई धन्यवाद दिंदै सम्मानसमेत व्यक्त गरेका हुन् ।
राष्ट्रपतिले मेनुकाको परिश्रम, मेहनत र योग्यताले सबै नेपालीको शिर उँचो बनाएको बताएको उनको सचिवालयले जनाएको छ । मेहनत र क्षमता देखाएर देशका छोराछोरीले मुलुकको शान र गौरव बढाउने उनको भनाइ थियो ।
गायिका पौडेल यतिबेला काठमाडौंमा छिन् ।
