काठमाण्डाै – इङ्ग्लिस प्रिमियर लिग फुटबलमा म्यानचेस्टर युनाइटेड र ब्राइटनले जितेका छन् । हिजो भएको खेलमा सेफिल्ड युनाइटेडलाई ५–० गोलले हराउँदै ब्राइटन विजयी भएको हो ।
ब्राइटनका लागि साइमन अढिन्ङ्ग्राले दुई गोल गरे भने फाकुन्डो बउनानोट्टे, ड्यानी वेलबेक र ज्याक रोविन्सनले एक/एक गोल गरे । सेफिल्डका म्यासोन होलगेटले खेलको १३औँ मिनेटमा रातो कार्ड पाएका थिए । ब्राइटन २५ खेलमा ३८ अङ्कसहित तालिकाको सातौँ स्थानमा छ । सेफिल्ड २५ खेलमा १३ अङ्कसहित तालिकाको पुछारमा छ ।
यस्तै, हिजै भएको अर्को खेलमा म्यानचेस्टर युनाइटेडले लुटन टाउनलाई २–१ गोलले हराएको छ । म्यानचेस्टर युनाइटेडका यार्समस होजलण्डले खेल शुरु भएको एक मिनेटमै गोल गएका थिए ।
यस्तै, उनैले अर्को गोल खेलको सातौँ मिनेटमा गरेका थिए । लुटन टाउनका लागि कार्लटन मोरिसले खेलको १४औँ मिनेटमा एक खोल मात्र फर्काउन सके । म्यानचेस्टर युनाइटेड २५ खेलमा ४४ अङ्कसहित तालिकाको छैटौँ स्थानमा छ । २४ खेल खेलेको लुटन २० अङ्ककासाथ तालिकाको १७औँ स्थानमा छ।
