काठमाडौं। सरकारको न्यूनतम साझा कार्यक्रम आज सार्वजनिक हुने भएको छ।
गठबन्धन कार्यदलले प्रधानमन्त्री पुष्पकमल दाहाल ‘प्रचण्ड’लाई बुझाएको मस्यौदा आज सार्वजनिक गर्न लागिएको हो।
गत शनिबार बिहान १० सदस्यीय कार्यदलले प्रधानमन्त्रीको सरकारी निवास बालुवाटार पुगेर सरकारको न्यूनतम साझा कार्यक्रमको मस्यौदा बुझाएको थियो।
कार्यदलले बुझाएको मस्यौदामा शीर्ष नेताहरूले छलफल गरेर आज सार्वजनिक गर्ने तयारी रहेको रास्वपाका महामन्त्री एवं कार्यदलका सदस्य मुकुल ढकालले जानकारी दिए ।
यसलाई सत्तारुढ पाँच राजनीतिक दलले न्यूनतम नीतिगत प्राथमिकता र साझा संकल्प भनेका छन्। अहिलेको शिथिलता, वैदेशिक पलायन, उत्पादन र देशका मौजुदा अवस्थालाई प्राथमिकता दिइएको ढकालले जानकारी दिए ।
