काठमाडौं । गुल्मीमा विद्युतको तारबाट खरबारीमा आगलागी हुँदा एक घर जलेर नष्ट भएको छ । रूरूक्षेत्र गाउँपालिका ५ को खरबारीमा सल्किएको आगोले गिरिबहादुर श्रेष्ठको घर जलेको जिल्ला प्रहरी कार्यालय गुल्मीका प्रहरी नायब उपरीक्षक शंकर पोखरेलले बताए ।
विद्युतको तारबाट खरबारीमा आगलागी हुँदै घरमा पुगेको थियो । आगलागीबाट घरमा रहेका सम्पूर्ण सामाग्री जलेर नष्ट भएको प्रहरीले जनाएको छ । स्थानीय र प्रहरीले आगलागी नियन्त्रणमा लिएका थिए ।
गर्मी र सुख्खा याम सुरु भएसँगै जिल्लाका दर्जन बढी स्थानका सामुदायिक वनजंगलमा आगलागी भइरहेको छ । आगलागीबाट करोडौंको क्षति भएको छ ।
प्रतिक्रिया
सम्बन्धित खवर
