काठमाडौं । प्रधानमन्त्री पुष्पकमल दाहाल प्रचण्डले सरकारको आगामी आर्थिक वर्षको नीति तथा कार्यक्रम संसदमा टेबुल गरेका छन्।
आजको प्रतिनिधिसभाको बैठकमा प्रमुख विपक्षी नेपाली कांग्रेसको नाराबाजी र वेल घेराउबीच नीति तथा कार्यक्रम टेबुल गरेका हुन्।
सरकारको नीति तथा कार्यक्रम राष्ट्रपति रामचन्द्र पौडेलले जेठ १ गते संघीय संसदको संयुक्त बैठकमा पेश गरेका थिए।
नीति तथा कार्यक्रम प्रस्तुत गरेकोमा राष्ट्रपति रामचन्द्र पौडेललाई धन्यवाद दिने प्रस्ताव पनि होहल्लाकै बीच पारित भएको घोषणा गरिएको छ।