काठमाडौं । प्रमुख प्रतिपक्ष दल नेपाली कांग्रेस र सत्ताघटक दल नेकपा एमालेबीच नयाँ सत्ता समीकरणको सम्भावना बढेर गएको छ ।
कांग्रेसले एमाले अध्यक्ष केपी शर्मा ओलीलाई प्रधानमन्त्री बन्न गरेको प्रस्ताव र त्यसमा एमालेको सकारात्मक प्रतिक्रियाले नयाँ ध्रुवीकरणको वातावरण बनेको हो ।
स्रोतहरूका अनुसार कांग्रेसले एमाले अध्यक्ष केपी शर्मा ओलीलाई पहिलो चरणमा प्रधानमन्त्री स्वीकार्न तयार भएको छ ।
कांग्रेस सभापति शेरबहादुर देउवा र एमाले अध्यक्ष ओलीबीच तीनपटकसम्म भएको बैठक निष्कर्षउन्मुख रहेको बताइरहेको छ । तर, अहिलेसम्म सबै भेटघाटहरूलाई गोप्य राखिएको छ ।
दुवै पार्टीका सीमित नेतामात्रै छलफलमा सहभागी छन् भर सार्वजनिक रुपमा सामान्य छलफलबाहेक अरु भन्न तयार देखिएका छैनन् ।
