काठमाडौं । चलचित्र विकास बोर्डका अध्यक्ष भुवन केसीको कार्यकाल सकिएर बिदाइ भएका छन् । उनले बिदाइ हुनुअगाडि सरकारले चाहे तत्काल चलचित्र ऐन पास हुनसक्ने बताएका छन् ।
चलचित्र विकास बोर्डमा दुई वर्षे कार्यकाल सकिएको अवसरमा आयोजित पत्रकार सम्मेलनका क्रममा उनले यस्तो बताएका हुन् ।
उनले आफूमाथि धेरैले ठूलो अपेक्षा राख्नु स्वभाविक भएपनि बोर्डको अधिकार भन्दा माथि गएर काम गर्न नसकिने बताए ।
