काठमाडौँ । अभिनेत्री अरुणिमा लम्साल विवाह बन्धनमा बाँधिएकी छिन् । उनको यो भने दोस्रो विवाह हो ।
अभिनेत्री लम्सालले कांग्रेस नेता युवराज श्रेष्ठसँग विवाह गरेकी हुन् । सोमबार काठमाडौँको बत्तीसपुतलीस्थित राम मन्दिरमा दुईबिच विवाह भएको हो ।
श्रेष्ठ वराहक्षेत्र नगरपालिका, चतरा सुनसरीका स्थानीय कांग्रेस नेता हुन् । उनी वराहक्षेत्र नगर कमिटीका उपसभापति समेत हुन् । निकट आफन्त र परिवारको उपस्थितिमा उनीहरुले विवाह गरेका हुन् ।
उनीहरुले मागी विवाह गरेको बताइएको छ । केही दिनअघि यी दुई जनाले सुनसरी जिल्ला अदालतमा कोर्ट म्यारिज समेत गरिसकेका छन् ।
