काठमाडौं । नवनियुक्त महान्यायाधिवक्ता दिनमणि पोखरेलले आज शपथ ग्रहण गर्नुभएको छ ।
राष्ट्रपति कार्यालय शीतल निवासमा आज आयोजित समारोहमा राष्ट्रपति विद्यादेवी भण्डारी र प्रधानमन्त्री पुष्पकमल दाहालको उपस्थितिमा कायममुकायम प्रधानन्यायाधीश हरिकृष्ण कार्कीले पोखरेललाई शपथ गराउनुभएको हो ।
प्रधानमन्त्री पुष्पकमल दाहालको सिफारिसमा राष्ट्रपति विद्यादेवी भण्डारीले पोखरेललाई हिजो नियुक्त गर्नुभएको हो । संवैधानिक कानुनका जानकार अधिवक्ता पोखरेलले ‘बौद्धिक सम्पत्ति’ सम्बन्धी कानुनमा विद्यावारिधि गर्नुभएको छ ।
सरकारको मुख्य कानुनी सल्लाहकार रहने महान्यायाधिवक्ता प्रधानमन्त्रीले चाहेको अवधिसम्म आफ्नो पदमा बहाल रहने व्यवस्था संविधानमा छ ।
संवैधानिक एवम कानुनी विषयमा नेपाल सरकार र सरकारले तोकिदिएको अन्य अधिकारीलाई राय सल्लाह दिनु महान्यायाधिवक्ताको कर्तव्य हुन्छ ।
प्रतिक्रिया
सम्बन्धित खवर
