काठमाडौं । जम्मू–कश्मीरको राजौरी जिल्लास्थित डांगरी गाउँमा आइतबार(हिजो) बेलुका भएको गोलाबारीमा तीन जना सर्वसाधारणको मृत्यु भएको छ । अन्य तीन जना घाइते भएको र उनीहरूलाई उपचारका लागि अस्पताल भर्ना गरिएको बीबीसीले जनाएको छ । स्थानीय प्रहरीले आक्रमण गर्नेको पहिचानबारे अहिले कुनै जानकारी दिएको छैन ।
जम्मू–कश्मीर प्रहरीका अतिरिक्त प्रहरी महानिर्देशक मुकेश सिंहले लिखित बयानमा गोलाबारी माथिल्लो डांगरी गाउँमा भएको पुष्टि गरेका छन् । उनका अनुसार हिजो साँझ करिब ५० मिटरको दूरीमा फरक–फरक तीन घरमा आक्रमणकारीले फाइरिङ गरेका थिए ।
समयमै पुगेको प्रहरीले पूरै क्षेत्र घेराबन्दी गरेको थियो। अहिले यो क्षेत्रमा पूरै आतंकको माहौल बनेको छ । आक्रमणकारीलाई पक्राउ गर्नका लागि पूरै क्षेत्रमा प्रहरीले सर्च अभियान चलाएको छ ।
प्रतिक्रिया
सम्बन्धित खवर
