काठमाडौं । आगलागीमा परी पाँचथरको फिदिम नगरपालिका ८ घुमाउनेटारमा २ जनाको मृत्यु भएको छ ।
स्थानीय मेगबहादुर गुरुङको घरमा आगलागी हुँदा उहाँका छोरी र बुहारीको मृत्यु भएको जिल्ला प्रहरी कार्यालय पाँचथरका प्रमुख (डीएसपी) हरि खतिवडाले बताउनुभयो ।
मृत्यु हुनेमा गुरुङका बुहारी २३ वर्षका आसानसिंह थेबे र २२ वर्षका छोरी ममता गुरुङ रहेका छन् । आगलागीमा परी ५५ वर्षीय मेघबहादुर गुरुङ र छोरा बिजेन्द्र गुरुङ घाइते भएका छन् ।
घाइतेको अवस्था सामान्य रहेको प्रहरीले जनाएको छ । दुवैजना घाईतेलाई उपचारको लागि पाँचथर अस्पतालमा ल्याइएको छ ।
प्रतिक्रिया
सम्बन्धित खवर
