काठमाडौं । चीनले दक्षिण कोरियाली नागरिकलाई चीन प्रवेशमा रोक लगाएको छ ।
दक्षिण कोरिया भ्रमण गर्ने चिनियाँ यात्रीलाई दक्षिण कोरीयाले कोरोना–१९ परीक्षण नकारात्मक हुनुपर्ने नियम लगाएपछि चीनले पनि दक्षिण कोरियालीका लागि प्रवेशाज्ञा निलम्बन गरेको हो ।
सोलस्थित चिनियाँ दूतावासका अनुसार दक्षिण कोरियाली नागरिकलाई पर्यटन वा व्यापारको लागि चीन जाने प्रवेशाज्ञा निलम्बन गरिएको छ ।
सोलले चिनियाँ नागरिकमाथिको भेदभावपूर्ण व्यवहार नहटाएसम्म कोरियालीमाथिको प्रतिबन्ध लागू रहने जनाएको छ ।
